COMMODUS L. Aur. Antonius

COMMODUS L. Aur. Antonius: COMMODUS L. Aur. Antonius

M. Antonini filisu, patri dissimillimus, cui etiam in imperio successit. Sub Onesicrito, Atteio et Antistio, humaniores artes didicit. Sub Philosophis, morum magistris, nihil profecit, naturâ in omne scelus pronâ; Alter Nero, Hercules vocari voluit, clavâ et leoninâ insignis. Imo aras et delubra sibi poposcit, Senatu turpiter adblandiente. In Christianos, in proceres saevus. Moribus perditissimis, nonnisi consimiles evexit: Cum gladiatoribus et feris in arena colluctatus. Tandem Martiae, Laeto et Electo mortem parans, ab illis praeventus, venenum primo hausit, mox ab athleta quodam strangulatus est. A. C. 192. aetat. 31. Imperii 13. Vide Lamprid. in eius vita. Etrop. Hist. Rom. l. 8. Onuphr. in Chron. imprimis Herodianum, l. 1. De hoc Ausonius, Caesarib. Epigr. 18.

Commodus insequitur, pugnis maculosus arenae,

Threcidicô princeps bella movens gladio.

Elisô tandem persolvens gutture poenas,

Criminibus fassus matris adulterium.

Vide et Lucius Antoninus.

Игры ⚽ Нужен реферат?

Hund — 1. A guate Hund ve laft se nit1 u2 an schlecht n is kua Schad. (Unterinnthal.) – Frommann, VI, 36, 63. 1) Verläuft sich nicht. 2) Und. 2. A klenst n Hund na hengt mer di grössten Prügel ou (an). (Franken.) – Frommann, VI, 317. 3. A muar Hüünjen a … Deutsches Sprichwörter-Lexikon

Academic Dictionaries and Encyclopedias